خواطر واحد زهقان

·        لولا "الناس اللى نزلت التحرير" مكانش زمانك ليك حق الانتخاب... مكانش زمانك ليك حق اختيار من يقودك... انت مدين بهذا الحق للثورة يا كاره الثورة و شاتم الثوار...

·        لولا "الناس اللى نزلت التحرير" كان زمانك عاجلاً ام آجلا معرض لثورة "اسلامية" وقودها الاخوان المسلمين و السلفيين لتطبيق شرع الله... و ساعتها بقى أسوأ سيناريو ييجى فى بالك كان هيتحقق... ايران، افغانستان، وكل اللى قلبك يحبه...

·        لولا عدم دعمك لمن كان يطالب بحقه كاملاً لكنا فى موقف أفضل حالاً من الآن...

·        يا من تريد عودة الاخوان الى مكانهم الطبيعى فى السجون... انت لا تختلف شيئاً عنهم، فانت عنصرى و بغيض مثلهم تماماً... و بعدين يا اهبل هى السجون عملتلهم ايه... لم تقلل من تطرفهم او تغير من تفكيرهم... انظر الى عبود الزمر... قضى اكتر من نص عمره فى سجون مبارك... و طالع اوسخ مما دخل... و مش الحل برده يا بتاع الدولة المدنية المتحضرة اعدامهم فى الميادين العامة – زى ما هما هيعملوا معاك – عقوبة الاعدام يامن تريد النهضة ملغية فى كل الدول المتقدمة...

·        لو متضايق ان الاخوان معاهم اغلبة فى مجلس الشعب، معلش يا حبيبى... هى ديه الديمقراطية... و محدش قادر – لا شفيق و لا عمر سليمان – يسحب منهم ده دلوقتى... الناس ديه معاها شرعية... و شرعيتهم زى ما هى لحد الانتخابات الجاية... لحد ما الناس اللى ادوهم الشرعية ياخدوها منهم تانى... هى ديه الديمقراطية يا متعلم يا مثقف...

·        مقتنع ان الديمقراطية متنفعش مع شعب به اغلبية من الجهلة... الى حد كبير معاك حق... الديمقراطية يفشلها صوت ناخب واحد جاهل... بس تعالى قوللى... امتى الناس هتتعلم... و ادينى معاد نقدر نطبق فيه الديمقراطية... عزيزى الساذج... حاجتين... اولاً الديمقراطية ليست هبة للشعوب المتحضرة المتعلمة المثقفة الكيوت... الديمقراطية ثقافة و تعود تكتسبها بالممارسة... لازم تسيب الناس تختار... و تغلط و تختار تانى و تتحمل نتيجة اختياراتها أياً كانت... مع الوقت هيتعلموا... اكبر مثال على ده...   10 مليون صوت راحوا للاخوان فى مجلس الشعب، فى مقابل 5 مليون صوت فى انتخابات الرئاسة... الناس بدأت تتعلم... ادوها فرصتها للآخر... اطلعوا برة اسطورة المستبد العادل ديه.. ديه اسطورة يا بشر... مفيش بنى آدم على الارض فيه الصفتين دول... و محدش مهماً كان هيفكر يعلم الناس... لا شفيق و لا مرسى... الاتنين مستفيدين من جهل الناس.

·         بتلوم "الناس اللى نزلت التحرير" على ما نحن فيه الآن، لو عايزين الحق، الثوار اخطأوا كثيراً... و اكبر غلطة، و اكثرهم تأثيراً و اكثرهم حدوثاً بحسن نية هى الوثوق فى المجلس العسكرى... كان يجب ان ندرك جيداً نوايا المجلس يوم ان اصر على المشى فى سكة مبارك و تعديل بعض مواد الدستور... و يوم ما ادركنا ده و قولنا "يسقط يسقط حكم العسكر" الناس كلها وقفت قصادنا و قلتوا عايزين نوقع البلد و نسقط الجيش و نوديها فى داهية... لا يا حبيبى... البلد فعلاً رايحة فى داهية كل يوم فى الفترة الانتقالية... بسبب المجلس العسكرى و حكم العسكر، حكم العسكر اللى مش مجرد رئيس البلد يبقى منتمى للجيش... حكم العسكر ان نسبة تفوق ال60% من مناصب الدولة يشغلها لواءات سابقون... لضمان ولائهم للنظام... النظام اللى يعمل كدة يبقى نظام هش و اجوف و خايف على نفسه من الزوال...

·         نييجى بقى لمن يتحدث عن الخروج الآمن للشعب و الميل نحو الدولة المدنية بانتخاب شفيق... آسف جداً، و احب أطمنك انى كمان مش هنتخب مرسى، ديه فاشية و ديه فاشية، ده واحد هيطلع دين امك اكنك العسكرى المرمطون بتاعه – مع كامل احترامى للمجندين – و ده واحد برده هيطلع دين امك باسم الدين و ان اعتراضك على الحاكم حرام و الى آخره من اى موانع او حدود شرعية هيخترعها او يوظفها لمصالحه... شفيق مش انحياز للدولة المدنية، شفيق انحياز لدولة لا دينية مش بالضرورة تكون مدنية... و كونى واحد من المؤمنين بالحريات، مقدرش أدى صوتى لا لده ولا لده... الاتنين بالنسبالى وجهين لنفس العملة...
الثورة فعلاً قامت عشان دولة مدنية... ماشى... عشان كدة انا مش هقدر ادى صوتى لواحد تأسف لنجاح الثورة و يعتبر من قمت بالثورة عليه مثله الاعلى...  عشان كدة مش هدى صوتى لحد فيهم... و اللى يكسب يكسب... و محدش يقوللى ان بمقاطعتى – مع انى مش هقاطع، انا نازل ابطل صوتى و ديه تفرق كتير – كدة بلبس الناس... الناس اللى كارهة شفيق تقوللى انى كدة بلبسهم مع شفيق... و الناس اللى كارهة مرسى تقوللى انى كدة بلبسهم مع مرسى... لا معلش... من ثوابت النظام الديمقراطى اللى سمح لسعادتك انك تختار ان دايما فيه اختيار زيادة متاحلك و هو انك متخترش اصلاً... حقى و هستخدم الحق ده...

·         لو لبست متلمش غير نفسك انك لم تساند "الهوجة" اللى انا مسميها "ثورة" ديه من الاول... الكلام ده لليبرالى و الاسلامى مع بعض... 

مصري+فول= ؟

عندما كتب طالب سعودي على السبورة :مصري+فول= ؟

رد المدرس المصري:مفاجأة مذهلة

هذه القصة واقعية ليست من وحى الخيال ولا فيلم هندي كما قد يعتقد البعض وقد حدثت بالفعل فى بداية الثمانينات بمدينة الرياض

دخل المدرس المصري إلى الفصل الدراسي في أول حصة بالعام الدراسي وحينما التقى بالطلاب وبدأ في تقديم نفسه إليهم ليتعارف عليهم، وقف أحدهم وقال له:

قبل أن نتعارف نرجو أن تجيبنا إلى السؤال المكتوب على السبورة

نظر المدرس إلى السبورة فوجد مكتوب عليها: مصري + فول = ؟؟؟

كانت المفاجأة غير سارة بالمرة ولكن الرجل بكل كرامة قال: عايزين الرد على هذا السؤال ؟ فقالوا جميعا نعم. طبعا يل أستاذ

التفت المدرس إلى السبورة وكتب عليها

طبيب – مهندس – مدرس – عالم أزهري – ترزي – جزمجى 

ثم أخذ في الشرح

الطبيب ليعالجكم مما ينتابكم من أمراض

المهندس ليبنى لكم البيوت بدلا من الخيام

المدرس لينتشلكم من الجهل ومن البداوة

العالم ليعلمكم أصول دينكم الذي لا تعرفونه

الترزي ليصنع لكم الملابس التي تزينكم

الجزمجى ليصنع لكم الأحذية بدلا من الحفاء

ثم أضاف: دعوني أسألكم أنا سؤال ، ثم استدار إلى السبورة وكتب عليه

سعودي – بترول = ؟؟؟

أصاب الطلاب الوجوم وحاروا ماذا يقولون و أصابهم الصمت ، وحينئذ قال المدرس

دعوني أجيب بالنيابة عنكم

سعودي – بترول = إنسان مريض بلا علاج ، جاهل و أمي ، يسكن في خيام البادية ، و و و

حينئذ ثار الطلاب على المدرس الذي خرج إلى مدير المدرسة وقدم استقالته ورفض العمل بالمملكة تماما برغم اعتذار أولى الأمر في المدرسة والمنطقة التعليمية

هذه قصة مواطن مصري محترم أجبر الجميع على احترامه ورفع رأس المصريين جميعا أقصها عليكم لتعلموا أن مازال المصريون بخير والحمد لله رب العالمين

الاوقات المتوقعة لبدء الشيخوخة في الاعضاء المختلفة من اجسامنا

دراسة اتبعتلى على الميل... يعنى حستها مفيدة حبتين 

الاوقات المتوقعة لبدء الشيخوخة في الاعضاء المختلفة من اجسامنا 

جميعنا نتقبل فكرة حتمية الشيخوخة مع تقدم العمر , و قد كشف الاطباء ان الاعضاء المختلفة من

اجسامنا تبدء بالشيخوخة باوقات مختلفة من العمر, فمثلاً اول الاعضاء التي تعطي الانذارات ببدء

. الشيخوخة هي الدماغ و الرئتين , كما سنبين لاحقاً

وقد وجد مجموعة باحثين من الاطباء الفرنسيين بأن نطف الرجال تبدأ بالانحدار في عمر الخامسة

. و الثلاثين , لذا فان اكثر من ثلث النساء الحوامل من رجال باعمار 45 سنة تنتهي بالاسقاط

وهنا وبمساعدة مجموعة بحوث قام بها الاطباء المختصين سنبين الاعمار التي تبدأ بها الاعضاء

المختلفة من اجسامنا من خسارة المعركة مع الزمن و تقدم العمر, و طبعاً ستكون هذه التقديرات

كمعدل عام و تختلف من شخص الى اخر و من مجتمع و بيئة الى مجتمع و بيئة اخرى

الدماغ - يبدأ بالشيخوخة في عمر الـ 20

كلما تقدم بنا العمر , يبدأ عدد الخلايا العصبية في الدماغ بالانخفاض, ففي المراحل الاولى من العمر

يكون عددها حوالي 100 مليار خلية و عندما نصل الى عمر العشرينات يبدأ هذا العدد بالانخفاض حتى

يصل الى 40 مليار خلية فقط.!,فقد يصل معدل فقدان الخلايا الى 10,000 خلية في اليوم الواحد مما

. يؤثر على الذاكرة و تنسيق وظائف المخ بشكل رئيسي

الامعاء - تبدأ بالشيخوخة في عمر الـ 55

الامعاء الطبيعية و التي تتمتع بوضع صحي جيد , هي التي يكون فيها التوازن بين البكتريا الضارة و

البكتريا المفيدة بالشكل الذي يضمن أداء عملها ووظائفها بشكل سليم, و لكن مستويات البكتريا المفيدة

يبدأ بالانخفاض بشكل ملحوظ بعد عمر الـ 55 , و خاصة في الامعاء الغليظة, كما يقول توم ماكدونالد

استاذ علم المناعة في (بارتس ) و كلية الطب في لندن, و نتيجة لذلك نبدأ بالمعاناة من سوء الهضم و

زيادة مخاطر الاصابة بأمراض الامعاء . ويزداد احتمال اصابتنا بالامساك كلما تقدم بنا العمر بسبب

. بطىء تدفق العصارات الهضمية من المعدة و الكبد و البنكرياس و الامعاء الدقيقة

ثدي النساء - يبدأ بالشيخوخة في عمر الـ 35

عند بلوغ النساء منتصف الثلاثينات من العمر تبدأ الاثداء بفقد الانسجة و الدهون, مما يؤدي الى

انخفاض الحجم و الامتلاء, و يبدء التهدل بشكل واضح في الاربعينيات من العمر, و تبدء التجاعيد

بالظهور بشكل واضح في الهالة المحيطة بالحلمة

 

المثانة - تبدأ بالشيخوخة في عمر الـ 65

فقدان السيطرة على المثانة على الاغلب يبدأ عند بلوغ الـ 65عاماً , و تكون النساء اكثر عرضة للمشاكل

المثانة بعد انقطاع الطمث و انخفاض مستويات هرمون الاستروجين مما يجعل انسجة الانابيب التي يجري

فيها البول ارق و اضعف , و خفض سعة المثانة , فالمثانة عند البالغين و في فترة الشباب تبلغ سعتها

حوالي ضعف سعتها في الشيخوخة, ففي عمر الـ 30 تكون سعتها حوالي 500 سم3 , في حين تصل في

عمر الـ 70 الى حوالي 250 سم 3

الرئتين - تبدأ بالشيخوخة في عمر الـ 20

سعة الرئتين تبدأ بالانخفاض ابتداءً من بلوغ عمر الـ 20 سنة , و في سن الـ 40 يعاني بعض الاشخاص

بالفعل من ضيق في التنفس, و قد يعود هذا جزئياً الى ان عضلات القفص الصدري التي تسيطر على

عملية التنفس تصاب بنوع من الضعف او التصلب

الصوت - يبدأ بالتغير في عمر الـ 65

اصواتنا تصبح اكثر هدوءاً و أجش مع تقدم العمر. و الانسجة الناعمة في الحنجرة تضعف مما يؤثر

على الاوتار الصوتية و يؤدي الى انخفاض مستوى و نوعية الصوت

 

العيون - تبدأ بالشيخوخة في عمر الـ 40

العوينات الطبية هي القاعدة لاغلب الذين تبلغ اعمارهم الـ 40, حيث يغلب الاصابة ببعد النظر مما

يؤثر على مقدرتنا على رؤية الاشياء عن قرب

القلب - يبدأ بالشيخوخة في عمر الـ 40

تقل كفاءة القلب بضخ الدم الى كافة اجزاء الجسم مع التقدم في العمر, و السبب في ذلك ان الاوعية

الدموية تصبح اقل مرونةً, و الشرايين من الممكن ان تتصلب او تنسد بسبب الترسبات الدهنيةالتي

تتكون في الشرايين التاجية التي تغذي القلب, و كل هذا بسبب تناولنا الكثير من الدهون المشبعة

و بالتالي يشح الدم الواصل الى القلب و قد يؤدي الى الاصابة بالذبحة الصدرية المؤلمة

الرجال فوق سن الـ 45 و النساء فوق سن الـ55 اكثر عرضة لخطر النوبات القلبية

الكبد - يبدأ بالشيخوخة في عمر الـ 70

الكبد هو الجهاز الوحيد في اجسامنا و الذي يبدو انه قادر على تحدى عملية الشيخوخة

الكليتين - تبدأ بالشيخوخة في عمر الـ 50

في الكليتين, عدد وحدات التصفية ( التي تسمى - النيفرون ) و التي تعمل على ازالة النفايات من الدم

يبدأ بالتناقص في منتصف العمر و بالتالي تقل كفاءتها

البروستاتا - تبدأ الشيخوخة في عمر الـ 50

البروستاتا غالباً تتضخم مع تقدم العمر, مما يؤدي الى مشاكل منها ازدياد الحاجة الى تفريغ الادرار

و يقول البروفيسور روجر كيربي رئيس مركز البروستات في لندن , ان هذا يعرف ب ( التضخم

الحميد للبروستاتا ) يصيب نصف الرجال الذين اعمارهم اكثر من 50 عاماً و نادراً ما يصيب اولئك

الذين تقل اعمارهم عن الـ 40, و الذين قد يحدث لهم بسبب امتصاص البروستاتا لديهم الهرمون

الذكري(تستوستيرون) و الذي يزيد من نمو الخلايا في البروستاتا

الحجم الطبيعي للبروستاتا هو بحجم حبة الجوز و قد يزداد حجمها الى حجم ( اليوسفي ).إ

العظام - تبدأ بالشيخوخة في عمر الـ 35

طوال حياتنا العظام القديمة دائمة الحراك و الخلايا التي تسمى (اوستيوكلاستس ) اي الخلايا الاكلة يحل محلها خلايا

البانية للعظام و التي تسمى (الاوستيوبلاستيس)و هذه العملية تسمى بنداور العظام , و يوضح روبرت موتس استاذ

امراض الروماتيزم في جامعة انيتري في ليفربول : نمو العظام لدى الاطفال سريع جداً - فتجديد جمجمة طفل بالكامل

يستغرق حوالي سنتين, و في البالغين قد يستغرق 10 سنوات . حتى منتصف العشرينات من عمرنا فأن كثافة العظام

. تستمر بالازدياد, ولكن في عمر 35 سنة يبدأ التناقص في نمو العظام كجزء من عملية الشيخوخة الطبيعية

الاسنان - تبدأ بالشيخوخة في عمر الـ 40

مع تقدمنا في العمر , يقل افرازنا للعاب, الذي من ضمن ما يقوم به فانه يزيل البكتريا, لذا فالاسنان تصبح عرضة

للتسوس واللثة للانحسار بسبب الالتهابات التي تصاب بها نتيجة لذلك, لذا فالمعتاد ان يصاب من هم بعمراكثر من 40

سنة بانحسار اللثة عن الاسنان

العظلات - تبدأ بالشيخوخة في عمر الـ 30

العضلات في عملية تجدد مستمر فينتهي عمر الخلايا و تتولد بدلا عنها خلايا جديدة و هذه العملية تكون متوازنة و لصالح

النمو في عمر الشباب البالغين, و عند بلوغنا لعمر الثلاثين يبدأ التوازن بالتغير لتقل نسبة البناء نسبة الى الهدم

و يوضح البروفيسور روبرت موتس : عندما يصل البالغين الى عمر 40 سنة يبدأون بالفقدان ما بين 0,5 الى 2 بالمائة

من خلايا عضلاتهم سنوياً, و لكن التمارين الرياضية الاعتيادية المنتظمة من الممكن ان تجنبكم ذلك

السمع - يبدأ بالانخفاض في منتصف الـ 50 من العمر

اكثر من نصف الاشخاص يضعف لديهم او قد يفقدون السمع بعد الـ 60 من العمر بسبب تقدم العمر, حسب

المعهد الملكي الوطني للصم

Royal National Institute for the Deaf

البشرة - يبدأ الجلد بالشيخوخة في منتصف العشرينات من العمر بشكل طبيعي

التذوق و الشم - يبدأ التغير فيهما في عمر الـ 60

نبدأ حياتنا بحوالي 10,000 متحسسة ذوق منتشرة على اللسان, و هذا العدد يبدأ بالتناقص على مدى العمر

ليصل الى النصف بعمر الـ 60 سنة , على اية حال فحاستي التذوق و الشم عند بلوغ العمر الـ 60 تبدأ تدريجياً

بالانخفاض جزئياً كنتيجة طبيعية للتقدم بالعمر

الخصوبة - تبدأ بالانخفاض في عمر الـ 35

الخصوبة عند المرأة تبدأ بالانخفاض بعد الـ 35 عاماً, فعدد و نوع البويضات في المبايض يبدأ بالانخفاض, كما

ان بطانة الرحم تصبح اكثر رقة مما يخفض احتمال استقبال و الاحتفاظ بالبويضة المخصبة, و كذلك خلق بيئة

معادية او رافضة للحيوانات المنوية

الشعر - يبدأ بالشيخوخة في عمر الـ 30

لدى الذكور عادة يبدأ فقدان الشعر في الثلاثينيات من العمر, يتكون الشعر من داخل حقائب صغيرة تحت

جلد البشرة مباشرةً و التي تسمى بالبصيلات, وبشكل طبيعي تنمو شعرة من كل بصيلة و تبقى تقريباً

ثلاثة سنوات , و بعدها تسقط و تنمو شعرة جديدة بدلاً منها . و اغلب الناس يظهر عندهم الشيب بعمر

الـ 35 تقريباً. و عندما يكون الشخص في مرحلة الشباب فأن شعره يتلون من الصبغات التي تنتجها

الخلايا في البصيلات و التي تعرف باسم الخلايا الصباغية

الاقدام على المخاطر

دايماً ببص ان حياتنا عبارة عن مجموعة من المخاطر التى لا حصر لها... البنى آدم ده عايش عشان يقيّم المخاطر  و يشوف هو أدها ولا لأ... لو أدها بياخدها و لو  مش أدها يا بيلبس يا بينفد بجلده...

طب أمثلة بقى...

مين لما بييجى يتجوز بيعرف كل حاجة عن خطيبته/خطيبه قبل الجواز... فيه حاجات كدة مش بتتعرف غير بعد لما الاتنين يلبسوا فى بعد خلاص بلا رجعة... طب انت لما بتيجى تتجوز مش عارف ده... لأ طبعاً عارفه كويس بس انت قررت تاخد المخاطرة عشان حاطط فى اعتبارك ان بالحب و التفاهم ممكن اى مشكلة تقابلك تتحل... بس أخدت مخاطرة؟؟ آه أخدت مخاطرة

أهلك لما جم يكبروا عيلتهم شوية و قرروا يجيبوك الدنيا أخدوا مخاطرات  مش مخاطرة واحدة...

أبوك ده كان متأكد يعنى انه لحد ما يكبرك و تقدر تعتمد على نفسك هيقدر يصرف عليك؟؟؟

مش كان ممكن - بعد الشر يعنى - حد من أهلك او الاتنين يموتوا و انت صغير و تتسوح انت بقى...

مش كان ممكن ألف حاجة تانية...

بس هما قرروا انهم ياخدوا المخاطرة و حسبوا الحسبة صح على أد ما يقدروا وجابوا سعادتك فى الدنيا....

حضرتك مثلأ قررت انك تدرس طاقة نووية!!!

تفتكر هتطلع تلاقى شغل فى مجالك فى مصر...

حتى لو قررت تدرس هندسة مثلاً... لسة فيه احتمال انك تتخرج و تعد حبة حلوين على القهوة على ما ربنا يفرجها و تلاقى شغل...

بس هل معنى ده انك تفضل خايف و قاعد فى بيتكم و مش عايز تعمل حاجة بحجة ان مفيش فايدة...

اكيد مش ده الحل... الدنيا ديه - كما اراها - لعبة كبيرة و عايزة قلب جامد، عايزة راجل يقدر يتحمل نتيجة اى من افعاله.

لو الناس بصت للدنيا النظرة ديه... فيه حاجات كتير هيتغير... هتبقى فيه دايماً محاولات لكسر حواجز الخوف اللى بيصنعوها لانفسهم و غالباً هينجحوا... 

"يا عم خلينا فى حالنا... احنا مالنا... ننزل التحرير نموت ليه... ماحنا كدة عايشين الحمد لله"

طب ما انت كدة كدة هتموت... يعنى انت لو قررت تعيش مطاطى راسك هتخلد  مثلاً... لأ مسيرك فى يوم هتموت... بس هتبقى مت و انت طول عمرك مذلول... فكر كدة... تموت رافع راسك عشان بتدافع عن حقك... و لا تموت و انتقاعد مستريح فى بيتكم بس لمؤاخذة مرمطون للى يسوا و اللى ميسواش...

فكر كدة...و شوف المخاطرة تستاهل و للا لأ...

حضرتنى حالاً و انا بكتب السطر الاخير ده جملة ميل جيبسون فى فيلم Braveheart

“And dying in your beds, many years from now, would you be willin’ to trade ALL the days, from this day to that, for one chance, just one chance, to come back here and tell our enemies that they may take our lives, but they’ll never take… OUR FREEDOM!”

لماذا سأنزل التحرير يوم 25 يناير 2012

لماذا سأنزل التحرير يوم 25 يناير 2012

1. لم يتغير شئ من الظروف المحيطة بنا
2. مبارك على وشك الحصول على البراءة
3. المجلس العسكرى قاد البلاد فى الطريق الخطأ مدعوماً بالتيارات الدينية المتطرفة منها و المعتدلة
4. مجلس الشعب أو برلمان الثورة لا يعبر عن مطالب الثوار
5. "برلمان الثورة" به شبهات للتزوير عن طريق تكرار بعد الاسماء بشكل فج فى كشوفات الناخبين
6. انتخابات "برلمان الثورة" شهدت استقطاباً دينياً بالضبط كما شهد الاستفتاء
7. من الامثلة على ذلك: "الله سيحاسب من لو يصوت لحزب النور" و "اللى يحب ام النور ينتخب حزب النور"
8. لم تحترم فترة الصمت الانتخابى فى اى من مراحل الانتخابات الثلاث
9. لم يحترم بعض اعضاء المجلس الموقر القسم الدستورى و اضافوا "التتش" بتاعهم
10. كيف يمكن ان اعتقد ان مثل هذا المجلس له اى سلطات او صلاحيات فى ظل وجود المجلس العسكرى و انتهاكاته المتكررة (انظر حملة كاذبون على الانترنت)

10.  لماذا لم تنظر اللجنة العليا للانتخابات فى اى من الطعون المقدمة و التى تصل الى المئات؟

11.  لقد قمنا بتسديد ثمن هذه الثورة من دماء الشهداء ولم نحصل على ثورة

12.  نازل التحرير و انا غير منتمى لاى حزب لان الثورة ليست حكراً على حزب أو جماعة و "برلمان الثورة" جعلها كذلك

13.  نازل التحرير حتى لا أجد رجلاً مثل أحمد شفيق رئيساً للجمهورية بعد 6 أشهر

14.  نازل التحرير لان القوات المسلحة يجب ان تكون جزئأ من الدولة و ليست فوق الدولة كما استمرت ال 60 عاماً ماضية

15.  نازل التحرير عشان احمد حرارة، عشان سميرة ابراهيم، عشان مينا دانيال، عشان علاء عبدالهادى عشان الشيخ عماد عفت و عشان غيرهم الكثير لم اتشرف حتى بمعرفة اسمائهم

16.  نازل عشان الناس لازم تفهم ان السياسة مش مجلس و انتخابات و عربيات رايحة و جاية... السياسة جزء من حياتنا اليومية

17.  نازل عشان مبقاش جبان قاعد فى البيت مستنى الفرج... و فرج مبيجييش

18.  نازل عشان الناس الغلابة اللى مش لاقية تاكل بسبب ازمات المجلس العسكرى المفتعلة

19. نازل عشان لو منزلتش احتمال 90% احمد شفيق يبقى رئيس جمهورية و جيلى يعيش نفس ال 60 سنة اللى جيلك عاشهم

20. انا نازل عشان رافض فى المستقبل القريب ابقى بنى آدم كل همه انه يلاقى أكل و ينام بليل و يشبع غرايزه

21. انا نازل عشان ده الصح اللى ربتنى عليه انى اعمله و لو على رقبتى

22. انا نازل عشان ميبقاش البلطجية اكتر من الناس "المحترمة"... يبقى الناس دول أكتر

23. انا نازل عشان لنا يبقى الميدان مليان طلبة جامعات محدش يقول بص ده منظر ثوار